Aizawl, the 1st December, 2023:  Mizo Zirlai Pawl (MZP) General Headquarters, Aizawl chuan December 4 - 8, 2023 chhung hian MZP Inter High School Quiz 2023 a buatsaih leh dawn.

He inelna hi Ignite Studio, Khatla ah neih a ni dawn a. LPS 10 leh Zonet Bawhbel-ah live a pek chhuah thin a ni ang.

He inelna-ah hian School 13 an tel dawn a,  tel turte chuan vawiin ni 1 December, 2023 tlai dar 3:30 khan MZP Conference Hall-ah tie draw an nei a ni.

MZP Inter High School Quiz hi kum 2010 atanga neih tan tawh niin kum tin neih thin a ni a, MZP chuan zirlaite'n an hlawkpui zia a hriat avangin kum tin khaihlak awm lovin ala buatsaih zel a ni.

 He inelna a tel tur School te chu :- 
 1. CLS Academy
 2. Hmar Veng Secondary School, Kolasib
 3. Kids Care School
 4. Govt. Mizo High School
 5. Helen Lowry HSS
 6. Tiny Tots HSS
 7. Living Water School
 8. St. Joseph HSS
 9. Providence HSS
 10. St. Paul's HSS
 11. Govt Chaltlang High School
 12. Neuhof English Medium SChool
 13. Royal Standard School 
 MZP chuan School tel zawng zawngte lawmman pakhatna dawn tuma theihtawp chhuaha bei tur leh he Quiz hi hlawkpui ngei turin a duh a, duhsakna sang ber a hlan bawk.

(C LALROSANGA)
Secretary i/c Publicity