MIZO ZIRLAI PAWL(MZP) & MIZORAM MERCHANT ASSOCIATION(MIMA) JOINT PRESS RELEASE

MIZO ZIRLAI PAWL(MZP) & MIZORAM MERCHANT ASSOCIATION(MIMA)

JOINT PRESS RELEASE

Mizo Zirlai Pawl (MZP) leh Mizoram Merchant Association(MIMA) tangkawpin, October ni 10, 2025(Zirtawpni) khan  1st International Star Expo, Lammual a neih mek-ah, hnamdang rawn sumdawngte endikin Inner Line Permit (ILP) check a ni a, ILP neilo leh thi tawh mi 36 lai man niin, thuneitute kutah hlan nghal an ni.

MZP leh MIMA hruaitute chuan, Mizoram chhung ngeiah hnamdangte’n  hetiang sumdawnna an rawn kal pui hi tha an ti lo hle a, September ni 30, 2025 (Thawhlehni) khan Joint meeting lo nei tawh in, dan lova hnamdang 1st International Star Expo a rawn sumdawngte dawr lo turin MZP leh MIMA chuan mipuite a lo ngen tawh bawk a ni.

MZP leh MIMA hruaitute chuan, he Expo a hnamdang rawn sumdawng zingah mi 20 chuang mi pakhatin a sponsor thei leh a sponsor tu ZORUN EVENTS neitu Laldingngheti Pautu, Lunglei-in a sponsor te ngaihtuah zui miah lova sumdawnna a kal pui hi MZP leh MIMA hruaitute chuan hriatthiam har an ti hle a, hetiang thil hi kan ramah a thlen nawn tawh loh na turin a rang lama chhui chiang tur leh hetianga Inner line Regulation dan bawhpelh a mi pakhat in heti zat mai hnamdang a sponsor chungchangah, MZP leh MIMA chuan action la ngei turin thuneitute an phut tlat a ni.

The Mizoram Gazette  Notification Guidelines for the Enforcement of the Inner line Regulation in Mizoram-ah chiang takin ILP hi mi pakhat in 10 aia tam a sponsor theih loh thu a in ziak a. Chutiang a nih laia mi 20 chuang mi pakhat-in a sponsor leh thei si hi ILP kan kal pui dan mumal loh vang leh thuneitute inthlahdah vang a ni a, ILP pekchhuah kawngah pawh fimkhur leh zual turin MZP leh MIMA chuan thuneitute an ngen nghal bawk.

Tin, he Expo-a pawn lama ei siamtute Food Safety & Standards Authority of India, License an neih hi Assam hnuai niin, kum 2020 a expired tawh a ni a, an thil siamte hi a tuihnai lo hle a, hriselna atan a him tawklo  hle niin sawi a awm bawk.

Chimral kan nih loh na tura Mizoram a hnamdang lo lutte khuahkhirhna dan khauh tak kan neih hi mimal hlawkna um vang ringawta pal zam a nih tawh lohna tur leh Mizoram-ah hetiang sumdawng theilo hnamdang  inthurualpui a sumdawnna kal pui hi awm tawh lo se, he Expo neih mek pawh enzui a,  action la nghal turin MZP leh MIMA chuan sawrkar thuneitute a ngen a ni.

Issued by: Mizo Zirlai Pawl(MZP) & Mizoram Merchant Association(MIMA)