Nimin ni 17th October, 2025 (Zirtawpni) khan Mizo Zirlai Pawl leh Mizoram Volleyball Association tangkawpin an buatsaih Inter-Higher Secondary School Volleyball Tournament 2025, ni 13-17 October, 2025 chhunga Tuikual Indoor Stadium, Aizawl West Joint YMA Hall leh Electric Veng Indoor Stadium-a khelh chu a tawp kharna leh lawmman semna hun hman a ni a. He hun hi Pu Sanghmingthanga Vice President, MZP chuan kaihhruaiin,Dr. C.Lalremruata MZP President leh Dr. Lalmalsawma Nghaka MVA President te chuan zirlaite fuihna thu an sawi.

Dr. C. Lalremruata President, MZP chuan, "MZP in sports discipline hrang hrang kan huaihawt thin chhan chu, Sports hi ruihhlo do nana hmanraw tha tak a nih vang a ni" a ti a, zirlai kalkhawm te chu ruihhlo laka fihlim tlat tur leh ram leh hnam tana rei tak dam tum turin a chah a ni.

 Dr. Lalmalsawma Nghaka President, MVA chuan, "Lehkha zir ringawt piah lamah extra curricular activities te pawh hi kan zirna kawng a thil pawimawh tak a ni" a ti a, zirlai kalkhawmte chu in vawng uluk tur leh ruihhlo laka fihlim a, tichhin miah lo turin a chah bawk.

Inter-Higher Secondary School Volleyball Tournament 2025 ah hian, Mipa leh Hmeichhe Final Match hi Best of 5 a khelh niin, Mipa (Boys) Final-ah Govt. K.M Higher Secondary School chuan set 3 (25-22, 27-25, 25-11) lain an Champion a, Trophy bakah cheng 30000/- leh Certificate an dawng a. St. Joseph Higher Secondary School chu Runner-up niin, cheng 20000/- leh certificate an dawng bawk. Hmeichhe(Girls) Final-ah Synod Higher Secondary School chuan set 3 (29-27, 25-15, 25-6) lain an Champion a, Trophy bakah cheng 20000/- leh Certificate an dawng a, Govt. K.M Higher Secondary School chu Runner-up niin, cheng 10000/- leh certificate an dawng bawk. 

Mipa (Boys)-ah Jacob Zonunmawia, Govt. K.M HSS chu Best Spiker ah thlan niin, Joseph Malsawmtluanga, Govt. K.M HSS chu Best setter a thlan a ni a, Hmeichhia (Girls)-ah Esther Lalringzeli, Synod Higher Secondary School chu Best Spiker-a thlan niin, Zakimi Hnamte, Govt. K.M Higher Secondary School chu Best Setter-a thlan a ni bawk. Best Spiker leh Best setter te hian Trophy, Certificate leh pawisa fai cheng 1000/- an dawng  a ni. 

He Tournament-ah hian Mipa (Boys) team 18 leh Hmeichhe (Girls) team 12 an tel thei a, Aizawl pawn atangin School-3 an tel thei bawk. School lo tel theite chu:-

 

Mipa(Boys)

1. St. Joseph Higher Secondary School

2. Pine Mount Higher Secondary School

3. Govt. K.M Higher Secondary School

4. Staines Memorial School

5. Govt. Central Higher Secondary School

6. Helen Lowry Higher Secondary School

7. Children Guiding School

8. Synod Higher Secondary School

9. Khawbung Higher Secondary School

10. Govt. Republic Higher Secondary School

11. PM-Shri KV, Aizawl

12. Govt. Chaltlang Higher Secondary School

13. Mt. Carmel School

14. Sainik School, Chhingchhip

15. Lengpui Senior Higher Secondary School

16. Springfield Higher Secondary School

17. Golden Harvest Higher Secondary School

18. Ephraim Higher Secondary School


Hmeichhia(Girls)

1. Ephraim Higher  Secondary School

2. Pine Mount Higher Secondary School

3. Govt. K.M Higher Secondary School

4. Staines Memorial School

5. Govt. Central Higher Secondary School

6. Helen Lowry Higher Secondary School

7. Children Guiding School

8. Synod Higher Secondary School

9. Khawbung Higher Secondary School

10. Govt. Republic Higher Secondary School

11. PM-Shri KV, Aizawl

12. Govt. Chaltlang Higher Secondary School



(LALENTLINGA)

Asst. General Secretary

MZP General Headquarters