Ni 29 January, 2026 (Ningani) –a National cadet Corps (NCC), Mizoram Group Headquarters Official taka Chief Minister-in a hawng ta chu Mizo zirlaite tana thil tha leh tangkai, ruihhlo leh nundan thalo laka a fihlim zawnga zirlaite kaihruai thei tur a nih avangin MZP chuan lawmawm a ti a. NCC Mizoram Group Headquarters hawn a nih theih na tura nasa taka hmalatu Chief Minister, Sports Minister leh Official zawng zawngte chungah lawmthu a sawi tak meuh meuh a ni.

Tin, NCC Mizoram Group Headquarters hnuaiah hian Batallion pali kan neih zinga pakhat Mizoram Air Sqn. NCC chuan nasa zawka hma a sawn theihna tur leh Mizo zirlaiten a thlawn mai bakah hamthatna dawng chunga Mizoram chhung ngeia thlawhna khalh an zir ve theihna turin MZP chuan thuneitute hma la turin a ngen nghal bawk.

NCC Air Wing kan neih theihna tur leh Mizo thlai tam zawkin Air Force kan zawm theihna turin MZP chuan Union Home Minister, Mizoram Sawrkar-ah leh Cenral Sawrkar-ah Delhi tlang thleng thlenga tlankualin nasa takin hma alo la tawh thin a, hawhtlinna changin kum 2008 khan NCC Air Wing Foundation Lengpui Airport-ah phum alo ni tawh a ni.

MZP chuan National Cadet Corps (NCC), Mizoram Group Headquarters chu thang lian sauh sauh turin a duh a. Mizo thalaite tan pawh intihsiakna leh eizawnna kawng hrang hranga kawng sialtu pawimawh tak a nih ngei a beisei tlat a ni.