Mizo Zirlai Pawl(MZP) & Mizoram Volleyball Association(MVA) tangkawpin a buatsaih, D-3 Inter College Volleyball Tournament chu February ni 14, 2026(Inrinni) zan khan khelh zawh a ni a, he hunah hian prog. tawi hman niin, Pu Lalnghinglova Hmar, Hon'ble Minister Sports & Youth Services chu khuallian a ni a, Pu Lalmuanpuia Punte, Adviser to CM(Political) chu Khualtha niin hun an hmanpui a ni.

He Tournament hi February ni 9-14, 2026 chhunga khelh a ni a, College 10 atang Mipa team 10 leh hmeichhe team 7 an tel a , Mipa team-ah Govt. Aizawl College(A) chu Champion in, Hmeichhe team-ah Govt. Hrangbana College an Champion a ni.

Final Match Programme-ah hian Dr. C. Lalremruata, President MZP GHQ chuan, "Mizo zirlaite hi ruihhlo tello in kan hlim thei a, ruihhlo laka fihlim tur leh zirna lam emaw, Sports lama kan kal a nih pawhin, dawhtheihna nen, chhawrtlak leh hmantlak nih tum tura fuihin, he kan Tournament kan buatsaih chhan ber pawh hi a ni" a ti.

Khuallian Pu Lalnghinglova Hmar chuan, Sports hmasawn nan sawrkarin theihtawpa hma a lak thu sawiin, tunhnaia Sports infrastructure sak thar tur 2 thlan chhuah zingah, Indoor Volleyball Hall tur a tel thu a sawi.

Khuallian chuan, He tournament hi thalaite rilru leh ngaihtuahna, a tha zawnga chhertu a nih thu a sawi a. Mizoram sawrkar pawhin sports hmasawn nan theihtawpa hma a lak thu te; Mizoram Volleyball Association ten anmahni puala Volleyball Stadium an la neih loh avanga sawrkara an ngen thinnate pawh ngaihthlaksak an nih thute sawiin, tunhnaia Sports infrastructure sak thar tur 2 thlan chhuah zingah, Indoor Volleyball Hall tur pawh telh a nih tak thu a sawi bawk.

He Tournament-ah hian mimal lawmman bakah inelna hrang hrang siamin, lawmman lak dan hetiang hi a ni:-

1. Best Spiker: Saidingpuia Sailo, Govt. Aizawl leh Remlalnghaki, Govt. Hrangbana College

2. Best Setter: Lalnuntluanga Ralte, Govt. Aizawl College leh VL Hmangaihzuali, Govt. Hrangbana College

3. Best Receiver: Alex Lalhmingthanga, Govt. Hrangbana College leh Nancy Lalhlimpuii, Govt. Aizawl College

Heng bakah hian Reels Competition-ah, Govt. Hrangbana College in 1na lawmman la in, Cheerleaders lawmman 1na Pachhunga University College niin, Govt. Aizawl College in lawmman 2na an la bawk a ni.

Team tin in Ambassador neiin, Best Ambassador-ah C. Laldintluangi, Pachhunga University College leh Best Catwalk-ah Lalnunhlui, Govt. Aizawl North College chu thlan an ni.