Latest Post

MZP HRUAITUTEN MIZORAM INSTITUTION OF MEDICAL EDUCATION AND RESEARCH TLAWH.




MZP PRESS RELEASE

Vawiin ni 23 April, 2019 khan MZP hruaitute chuan Mizoram Institute of Medical Education and Research (MIMER) Director, Prof. L. Fimate chu a Office-ah an hmu a, MZP hruaitute hi Tv. L. Ramdinliana Renthlei, President-in hovin hruaitu ṭhahnem tak an tel. He hunah hian MIMER chungchang sawipui a ni a, Prof.L. Fimate Director leh hotu dangten ten an lo dawngsawng a ni.






MZP President, L. Ramdinliana Renthei chuan, “Mizoramin MIMER a nei chu lawmawm a tih thu a sawi a, Mizoram tan rotling, mipuite tana hlawhtlin lehzual theih nan te, chhenfakawm tak a nih lehzual theih nan te theihtawp kan chhuah a ngai a, eng harsatna pawh tawk se MZP chuan theihtawp a chhuah zel dawn a ni. Mizoram sorkar pawh hian theihtawp chhuahin ngaihven lehzual se, Medical college puitling a nih theihna turin tih hi MZP duhdan a ni," a ti.

Prof. L. Fimate, Director  MIMER pawhin thu sawiin, “MZP nen inkawmna hun ṭha tak an nei thei chu lawmawm a ti hle a, Institution changtlung tak kan neih chhoh zel theih nan theihtawp kan chhuah tlan a ngai tak meuh meuh a. He Medical College hi Mizote tan a pawimawh a, ka theihna zawng zawng kei pawhin ka seng dawn. State dang Medical College nena khaikhin pawhin kan institution hi a nep bik lo a; tin, zirlai ten vawiin thleng hian eng harsatna mah la tawk loin, harsatna an la thlen lo bawk," a ti. 

Director chuan Medical College kan din aṭanga kum nga hnuah kan dinhmun azirin Recognition pek theih kan ni dawn chauh a, recognition kan hmuh hma chuan, Mizo zawng zawng ten he college tan hian theihtawp kan chhuah lehzual a ngai a. Institution-in a mamawh hrang hrangte pawh sorkar hian theih anga chakin min tihhlawhtlinsak zel avangin kan lawm hle a, tun dinhmunah hian mamawh kan la nei nual a, heng kan mamawhte tipuitling tur hian kan ṭan ruala, theihtawp kan chhuah a ngai takzet a ni a ti bawk.

Vawiin meeting chuan remchang hmasa berah free medical camp buatsaih nise tiin  ruahmanna an siam a. Tin, MIMER tlawha kal MZP hruaitute hian inkawmna hun ṭha tak an neih piah lamah Institution building hrang hrang an tlawh nghal bawk a ni.




Sd/-
(H.LALTHIANGHLIMA)
Asst. General Secretary