MZP HRUAITUTE'N LOK BHAVAN-ah GOVERNOR AN HMU A, ZIRNA  LAM LEH DRUG AWARENESS CAMPAIGN NEIH DAN TUR AN SAWIHO

 


Nimin tlai August ni 20, 2026(Ningani) tlai dar 4:00 khan, MZP hruaitute chuan Lok Bhavan-ah Mizoram Governor General (Dr) Vijay Kumar Singh (Retd.) an hmu a, he hunah hian Mizoramin a Civil Engineering(CE) seat 5 leh Electrical & Electronics Engineering(EE) seat 2 quata kan neih chungchanga buaina, Mizo zirlaiten a India ram chhunga National Integration tour neih theih dan turte leh Mizo zirlaite tan Drug Awareness & Prevention campaign neih dan tur sawiho a ni.

 




MZP chuan, CE seats 5 leh EE seat 2 Mizoramin a Central pool quata a neih meka Admission tih theihloh avanga buaina ah, Union Education Minister Shri Pralhad Joshi hnenah ziaka thlen tawh thu an sawi a. Governor chuan, Mizoramin a CE & EE a quata neihna college Matrusi Engeneering College a Admission an tih theihloh chungchangah, Union Education Minister pawh a rang lama alo biak tur thu leh zirlaite chu thlaphang lo turin a chah a ni.

 






Mizo zirlaite tana India ram chhunga National Integration tour neih theih ngeina tura hmalak anih tur thu leh Tour neihna tura duhna hmun te ziaka thlen turin MZP hruaitute a hrilh.

                                        





Heng bakah hian Governor General Dr VK Singh chuan, Zirna in hrang hrangah Drugs Awareness & Prevention campaign neihna tura MZP in a thlen chu lawmawm a ti hle a, Mizoram chhungah hian ruihhlo tilo tura inzirtirna hi zirlai (Elementary) atanga tan a ngaih thu leh a ti mek ten a chhungkua leh khawtlang an tihbuai em avanga nasa taka eng level ah pawh campaign neih a ngaih thu alo sawi bawk. Hemi chungchang hian Narcotics Crime Bureau (NCB) Director a sawipui tur thu a sawi bawk.

 

Hei bakah hian Mizoram zirna kaihhnawih thil chi hrang hrang an sawiho bakah hun remchang hmasa berah inkawm leh nise an ti.